Opprette og endre opplysningar om fastlegeheimel

Kommuna har ansvar for å melde frå til Helfo om endringar i opplysningar om fastlegar i kommuna.

Kommunen har ansvar for å organisere fastlegeordninga og sørgje for at personar som ønskjer det får tilgang til fastlege. Fastlegeordninga er heimla i fylgjande forskrift:

forskrift om fastlegeordning i kommunene

Talet på pasientar på fastlegen si liste skal avtalast mellom legen og kommunen eller bydelen.

Når ein kommune opprettar eller endrar heimel for fastlegar, må kommunen/bydelen sende informasjon om dette til Helfo, slik at vi får oppdatert registeret. Kommunen eller bydelen nyttar dette skjemaet:

Melding til fastlegeregisteret (05-04.27), bokmål (PDF)

Fylgjande opplysningar må registrerast i skjemaet:

  • Personopplysningar om legen (heimelshavar)

  • Informasjon om praksis

  • Informasjon om eventuelt utekontor

  • Informasjon om eventuell deleliste

Dersom legen ønskjer å endre lista si, og enten auke eller redusere talet på pasientar, må dette godkjennast av ansvarleg i kommunen. Ved endring av opplysningar knytt til fastlegelista, må kommunen krysse av for «Endring» i skjema, og fylle inn relevant informasjon i forhold til kva som skal endrast.

Informasjon om utekontor

Det er viktig for innbyggarane å finne informasjon om utekontor når dei skal velje fastlege. Kommunen må difor sende informasjon om utekontor til Helfo via skjemaet

Melding til fastlegeregisteret (05-04.27), bokmål (PDF)

Helfo må få melding om både kva fastlegar som er på utekontor og kva legekontor som har utekontor.

Opne og lukke/låse fastlegeliste

Det er sett eit listetak på alle fastlegelister. Når listetaket er nådd vert lista automatisk lukka. Dette betyr at ein innbyggjar ikkje kan velje denne fastlegen. Lista blir opna på nytt når det er 10 ledige plassar (endra frå 20 plassar med verknad frå og med 24. september 2017). Legen kan sjølv følgje med talet på pasientar ved å sjekke basistilskotsrapporten som vert produsert den 1. i kvar månad. Kommune og lege kan også sjå talet innbyggjarar på venteliste ved å gå til sjølvbeteningsløysinga «Bytte fastlege» på helsenorge.no, og deretter søke opp den aktuelle fastlegen.

Lukke liste

Ei fastlegeliste vert automatisk lukka når listetaket er nådd. Ei liste som er lukka, vil også automatisk opne seg når lista får 10 eller fleire ledige plassar.

Låse liste

Kommunen kan i spesielle tilfelle melde til Helfo at ei fastlegeliste skal låsast, og eventuelt om venteliste skal slettast, fordi ein av ulike grunnar ikkje ynskjer fleire innbyggarar inn på denne lista. Ei liste som er låst, vert ikkje opna før kommunen gjev beskjed om dette. Kommunen kan velje å låse ei liste ved å fylle ut følgjande skjema og sende det til Helfo: 

Melding til fastlegeregisteret (05-04.27), bokmål (PDF)

Opne liste

Ei fastlegeliste som er lukka, opnar seg automatisk når lista har 10 eller fleire ledige plassar. Ein fastlege eller kommune kan ta kontakt med Helfo og be om at ei lukka liste vert opna, sjølv om der er færre enn 10 ledige plassar. Dette kan ikkje gjerast når lista er låst. Ei fastlegeliste som er låst, kan berre opnast etter melding frå kommunen.

Det er lagt inn ein buffer, slik at lista ikkje skal opne med ein gong her blir ledige plassar. Først når det er 10 ledige plassar, vert lista opna slik at nye innbyggarar kan velje denne fastlegen. Når lista vert opna, er det først innbyggarar som står på venteliste som kjem inn, deretter kan nye innbyggarar velje denne fastlegen – dersom den då ikkje allereie er blitt fylt opp frå ventelista.

Varsling ved opning og lukking av fastlegeliste

I løpet av oktober 2017 vil opning og lukking av fastlegelister bli varsla til legekontoret der fastlegen har kontor.

Varsel vert berre sendt til e-postadresser til legekontor som er registrert med gyldig e-postadresse i Norsk Helsenett sitt adresseregister.

Vedlikehald av informasjon om lege og legekontor i Norsk Helsenetts adresseregister

Fleire legekontor står registrert med e-postadresse som inneheld «@edi.nhn.no». Dette er ikkje ei adresse for vanleg e-post-kommunikasjon, og må derfor erstattast med ei gyldig e-postadresse. Delar av informasjonen som ligg i Norsk Helsenett (NHN) sitt adresseregister vert også nytta i fastlegesystemet. Det er derfor viktig at de kontrollerer at informasjon om lege og legekontor er korrekt og oppdatert i adresseregisteret.

Dersom de ikkje ynskjer slikt varsel, kan de ta kontakt med Helfo via post@helfo.no eller på telefon 23 32 70 40 og be om at varsel vert stoppa.

Venteliste hos fastlege

Innbyggarar som ventar på at ein fastlege med full liste skal bli ledig, kan sette seg på venteliste. Dette er mogleg berre når lista er lukka. Når lista er open (har ledige plassar), kan innbyggar velje å bytte direkte. Kommunen kan bestemme at ei venteliste skal avviklast i samband med låsing av fastlegeliste. Innbyggjar vil ikkje kunne sette seg på venteliste dersom lista er låst.

Deleliste

Deleliste kan inngåast av legar over 60 år som har planar om nedtrapping og overføring av praksis til annen lege. Lege med minst 50 prosent varig uførhet har også rett til å dele lista si med annan lege på same vilkår. Meir informasjon om deleliste finns i Rammeavtalen, ASA 4310, pkt. 10.8.

Legane må drive praksisen i same legesenter. Listelengda kan ikkje aukast med meir enn 25 prosent berekna ut frå listelengda ved etablering av delelista. Maksimalt tal på listepasientar er til saman 2500. Ved etablering av deleliste gjelder føresegnene i punkta 5.4, 5.5 og 5.6 tilsvarande.

Det blir ikkje oppretta ny fastlegeheimel ved avtale om deleliste, og alle pasientane blir ståande på ei og same liste. Lista vil være registrert i namnet til heimelsinnehavar, og denne vil formelt sett være pasienten sin fastlege til han eller ho avsluttar sin praksis.

Legen som inngår avtale om deleliste er ikkje å sjå på som vikar for praksisinnehavar. Avtale om deleliste vil være å sjå på som ein forskotering av overdraging av praksis. Begge legane kan derfor jobbe samtidig på delelista.

Dersom ein skal opprette eller gjere endringar på ei deleliste, skal ein også nytte skjemaet

Melding til fastlegeregisteret (05-04.27), bokmål (PDF)

Fyll ut og send skjema til Helfo, Postboks 2415, 3104 Tønsberg.

Først publisert: 02.05.2019