Kortet er normalt gyldig i tre år, dersom du framleis er medlem av folketrygda.
Dersom du ikkje lenger er medlem, for eksempel på grunn av flytting frå Noreg eller arbeid i utlandet, kan du ikkje bruke kortet. Du har plikt til å melde frå til HELFO om endringar som kan innverke på retten til å bruke kortet. Ta kontakt med HELFO dersom du er i tvil.
Ved misbruk kan den kortet er utskreve til haldast ansvarleg for folketrygda sitt tap. Bevisst misbruk er straffbart.
Forholdet til reiseforsikring
I mange land får du ikkje dekka utgifter til helsetenester fullt ut. Dette kan også gjelde sjukehusopphald.
Helsetrygdkortet dekker ikkje ekstra utgifter til heimreise når du er blitt sjuk eller utsett for ei ulykke. For å sikre deg mot utgifter som opphaldslandet ikkje dekker, eller utgifter ved heimreise, tilrår vi at du har ei reiseforsikring som dekker slike utgifter.
Gjelder berre i Europa
Som namnet tyder på, kan ikkje Europeisk helsetrygdkort nyttast utanfor EØS-området/Sveits.
Folketrygda dekker som hovudregel ikkje utgifter til helsetenester ved turistopphald utanfor EØS-området/Sveits. Du bør derfor kjøpe ei eiga reiseforsikring ved slike reiser.
(Illustrasjonsfoto: Colourbox.com)