​Når du får vurdert kva som er nødvendig behandling, skal det takast omsyn til kva slags helseteneste det gjeld, og kor lenge opphaldet er tenkt å vare.

Du har rett til dei helsetenestene som er nødvendige for at du på medisinsk forsvarleg måte kan bli verande i landet du besøkjer.

Helsetrygdkortet gir berre rett til nødvendig medisinsk behandling ved sjukehus eller lege som er tilknytt det offentlege helsevesenet i det landet du oppheld deg i.

Helserettane du har etter EØS-avtalen, er avgrensa. Det er derfor viktig å ha ei privat reiseforsikring i tillegg til helsetrygdkortet.