E-resept-utprøvinga blei sett i gang i Os kommune i mai og i Larvik kommune i september 2010.

Brukt av dei fleste fastlegekontora

Nesten alle fastlegekontora i dei to kommunane, 19 til saman, har no tatt i bruk elektronisk resepthandtering.

Ni apotek og ei bandasjistforretning ekspederar elektroniske reseptar og tek imot økonomisk oppgjer for blåreseptar via HELFO si nye løysing for mottak av slike oppgjer.

Denne løysinga handterer i tillegg oppgjer for papir-reseptar og vert no nytta av nesten alle apotek og bandasjistar i landet.

Fornøgde brukarar

PricewaterhouseCoopers har på vegne av Helsedirektoratet akkurat gjennomført ei evaluering av prosjektet så langt, og konstaterer at utprøvinga er vellukka.

E-resept-programmet vert gjennomført av Helsedirektoratet, og er eit av fleire tiltak i Helse- og omsorgsdepartementet sin strategi for elektronisk samhandling i helsesektoren.

Helsetjenestens veiledningssenter hos HELFO har ansvaret for E-resept-telefonen.

Under "Relatert informasjon" og "Eksterne lenker" til høgre på denne sida finn du meir informasjon om ordninga med elektroniske reseptar.